საქართველოს ჯანდაცვის სამინისტროს ინფორმაციით, ქვეყანაში კოვიდსტატისტიკა ყოველდღიურად აღარ გამოქვეყნდება. უწყების ცნობით, მედიას და საზოგადოებას ინფორმაციას კვირაში ერთხელ, ყოველ სამშაბათს მიაწვდიან.

დღეს, 3 მაისს, პირველი დღეა, როცა ყოველდღიური სტატისტიკური მონაცემები არ განახლებულა.

„ახალი შემთხვევების რაოდენობა, ინციდენტობა, დადებითობის მაჩვენებელი, გარდაცვალების შემთხვევები ყოველკვირეულად შეჯამდება და კვირაში ერთხელ, ყოველ სამშაბათს გამოქვეყნდება“, - ნათქვამია ჯანდაცვის სამინისტროს მიერ გავრცელებულ ინფორმაციაში.

ბოლო მონაცემებით, 2020 წლის 26 თებერვლიდან, როცა საქართველოში კორონავირუსით ინფიცირების პირველი ფაქტი დადასტურდა, ტესტირებით აღრიცხულია 1 655 221​ დადებითი შემთხვევა. ქვეყანაში COVID 19-ით გარდაცვლილია 16 811 ​ადამიანი.