უკრაინაში კიდევ ერთი ჟურნალისტი დაიღუპა. კიევზე განხორციელებული სარაკეტო თავდასხმების შედეგად შენობების ჩამონგრევისას, რადიო ,,თავისუფლების“ უკრაინის ბიუროს პროდიუსერი და ჟურნალისტი ვერა გირიჩი გარდაიცვალა. ჟურნალისტის ცხედარი მრავალსართულიანი შენობის ნანგრევებში დღეს დილით იპოვეს.

უკრაინის გენერალური პროკურორის ინფორმაციით, უკრაინაში რუსეთის შეჭრის შემდეგ მიმდინარე საომარი მოქმედებების დროს, 13 ჟურნალისტი დაიღუპა, 10-ზე მეტი კი - დაიჭრა, 6 ჟურნალისტი გატაცებულია.