კონფლიქტები
25.04.2022 21:15
საოკუპაციო ძალების წარმომადგენლების მიერ გამყოფ ხაზთან 16 აპრილს დაკავებული კახაბერ მერებაშვილი თავისუფალია
რუსეთის საოკუპაციო ძალების მიერ გამყოფ ხაზთან უკანონოდ დაკავებული კახაბერ მერებაშვილი თავისუფალია, - ამის შესახებ ინფორმაციას საქართველოს უსაფრთხოების სამსახური ავრცელებს.
სუს-ის ინფორმაციით, ხელისუფლება განაგრძობს აქტიურ ძალისხმევას უკანონოდ დაკავებული საქართველოს სხვა მოქალაქეების გასათავისუფლებლად.
„ცენტრალური ხელისუფლება განაგრძობს აქტიურ ძალისხმევას უკანონოდ დაკავებული საქართველოს სხვა მოქალაქეების გასათავისუფლებლად.
ოკუპირებულ რეგიონებსა და საოკუპაციო ხაზის გასწვრივ განხორციელებულ დესტრუქციულ ქმედებებზე სრული პასუხისმგებლობა ეკისრება საოკუპაციო რეჟიმს“, - აღნიშნულია სახელმწიფო უსაფრთხოების სამსახურის მიერ გავრცელებულ ინფორმაციაში.
კახაბერ მერებაშვილი საოკუპაციო ძალების წარმომადგენლებმა სოფელ მეჯვრისხევის სიახლოვეს 16 აპრილს დააკავეს.
