სამართალი
18.04.2022 00:44
გორი-კარალეთის გზაზე, რესტორან „ნაჭარმაგევთან“ ერთმანეთს 3 ავტომობილი შეეჯახა, არიან დაშავებულები
გორი-კარალეთის საავტომობილო გზაზე, რესტორან ,,ნაჭარმაგევთან“ მომხდარი ავტოსაგზაო შემთხვევის შედეგად 5 ადამიანი დაშავდა. ერთმანეთს სამი ავტომობილი შეეჯახა. ადგილზე მობილიზებულმა სასწრაფო დახმარების ჯგუფებმა ავტომანქანებში მყოფი ხუთი პირი საავადმყოფოში გადაიყვანეს. დაშავებულებს სხეულის სხვადასხვა ხარისხის დაზიანებები აღენიშნებათ.
თვითმხილველთა თქმით, ავტოსაგზაო შემთხვევის მონაწილე ერთ-ერთ ავტომობილში მყოფი პირები სავარაუდოდ არაფხიზელ მდგომარეობაში იმყოფებოდნენ.
მომხდარ ფაქტზე გამოძიება საქართველოს სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
