საინტერესო ამბები
08.04.2022 12:53
12 მნიშვნელოვანი ფაქტი ღვინის შესახებ
ღვინის შენახვას, დეგუსტაციას თუ მოხმარებას არაერთი ტრადიცია და წესი ახლავს, რომელთა შესახებ ღვინის მოყვარულების უმრავლესობა ინფორმაციას არ ფლობს.
- როგორ შევინახოთ ბოთლის ღვინო სწორად
ექსპერტები გვირჩევენ საცობიან ბოთლებში ღვინო ჰორიზონტალურ მდგომარეობაში შევინახოთ: ამგვარად კორპის საცობი მუდმივად სველი რჩება, არ შრება და არ იბზარება.
- ღვინო ტვინისთვის სასარგებლოა
ჩატარებული კვლევების შედეგად გაირკვა, რომ ღვინის გამოყენება ტვინის შემეცნებით უნარებს აძლიერებს.
- ყურძნის ყველაზე პოპულარული ჯიში
ყურძნის ყველაზე ცნობილი ჯიში შარდონეა. სწორედ ამიტომაც ყველაზე პოპულარულ თეთრ ღვინოებს ამ ჯიშის ყურძნისგან ამზადებენ.
- ღვინის ფერს მარცვლის კანი განსაზღვრავს
ბევრს ჰგონია, რომ წითელი ღვინო მუქი ფერის ყურძნისგან მზადდება, ხოლო თეთრი - თეთრისგან. სინამდვილეში, ღვინის ფერს ყურძნის მარცვლის კანი განსაზღვრავს. ამიტომ მუქი ფერის ყურძნისგან თეთრი ღვინის დაყენებაც შეიძლება, რისთვისაც კანს აცილებენ.
- როგორ დავლიოთ ღვინო სწორად
ეტიკეტის წესების მიხედვით, ღვინის ბოკალი ისე უნდა დავიჭიროთ, რომ ხელმა ღვინო არ გაათბოს და ამით მისი გემო არ შეიცვალოს.
- ღვინის ჭურჭელი
ღვინო ფეხიან და მოხრილ კიდეებიან ბოკალებში უნდა ჩამოასხათ, მხოლოდ ამ შემთხვევაში შეინახება არომატი. იმავდროულად, ბოკალი რაც შეიძლება თხელი უნდა იყოს.
- ღვინის დამზადების სპეციალისტი
სომელიე პასუხს აგებს ყიდვაზე, შენახვასა და მიწოდებაზე. ხოლო ღვინის დამზადების სპეციალისტს, ვინც აფასებს ნიადაგს, წყალსა და თავად ღვინოს, ენოლოგი ჰქვია.
- რამდენი ყურძენია საჭირო 1 ბოთლი ღვინისთვის
1 ბოთლ ღვინოს 1 კილოგრამი ყურძენი სჭირდება.
- სად ამზადებენ ღვინოს
ღვინო პლანეტის ყველა კონტინენტზე მზადდება, ანტარქტიდის გარდა.
- საუკეთესო ღვინო
მსოფლიოში ერთ-ერთ საუკეთესო ღვინოდ ვარდისფერი Côtes de Provence Rosé მიიჩნევა და ერთი ბოთლის ფასი მხოლოდ 9 დოლარია.
- ყველაზე ძველი ღვინო
ხერე-დე-ლა-ფრონტერა - 1775 წლის ესპანური ღვინო ყველაზე ძველი ევროპული ღვინოა. მისი უკანასკნელი 5 ბოთლი ყირიმში, მუზეუმში ინახება.
- ყველაზე ძვირად გაყიდული ღვინო
ყველაზე ძვირად 1947 წლის მოსავლის Château Cheval Blanc მიიჩნევა. ჟენევაში გამართულ აუქციონზე მისი ერთი ბოთლი უცნობმა მოყვარულმა 304 375 დოლარად შეიძინა.
