საზოგადოება
19.12.2019 13:22
თემურ მანველიშვილი, რომელიც ნაფიცმა მსაჯულებმა გიგა მაქარაშვილის მიმართ გაამართლეს, საჯარო სამსახურში დაბრუნებას არ გამორიცხავს
გორის მუნიციპალიტეტის მერიის ადმინისტრაციის ყოფილი უფროსი, თემურ მანველიშვილი ნაფიცმა მსაჯულებმა გაამართლეს.
გამოძიება 2018 წლის 10 ოქტომბერს მომხდარ ინციდენტზე მიმდინარეობდა, როდესაც მანველიშვილმა სამოქალაქო აქტივისტ გიგა მაქარაშვილს გორის მერიის შენობის წინ მიმდინარე აქციის დროს თავზე ნაგვის ურნა ჩამოამხო.
,,სამოქალაქო აქტივისტის, გიგა მაქარაშვილის მიმართ მორალური ზიანის მიყენებაში ნაფიცმა მსაჯულებმა დამნაშავედ არ მცნეს. ვგეგმავ, ავიყვანო იურისტ-კონსულტანტი, გავიარო შესაბამისი კონსულტაციები და იმ შემთხვევაში, თუ იქნება საინტერსო წინადადება, დავბრუნდე საჯარო სამსახურში. ჩემი თვითმიზანი არ გახლავთ საჯარო უწყებაში მუშაობა, თუმცა, არც გამოვრიცხავ“, - განაცხადა GMnews-თან საუბრისას თემურ მანველიშვილმა.
