გორის მუნიციპალიტეტის სოფელ ხიდისთავში ასფალტის საფარი 3 085 მეტრზე მოეწყობა, - ამის შეასხებ ინფორმაციას გორის მუნიციპალიტეტის მერია ავრცელებს.

უწყების ცნობით, გზის საფარის მოწყობა-რეაბილიტაცია დაგეგმილია სოფლის შიდა გზის ორ მონაკვეთზე - სოფლის ცენტრალურ და სკოლამდე მისასვლელ გზაზე.

„გორის მუნიციპალიტეტის სოფელ ხიდისთავში შიდა გზების მოწყობა-რეაბილიტაცია დაიწყო. ამ ეტაპზე გზის მოსაწყობად მოსამზადებელი სამუშაოები მიმდინარეობს. პროექტის მიხედვით, გზის საფარის მოწყობა-რეაბილიტაცია დაგეგმილია ორ მონაკვეთზე - სოფლის ცენტრალურ და სკოლამდე მისასვლელ გზაზე. ასფალტის საფარი 3 085 მეტრზე მოეწყობა“, - ნათქვამია გორის მუნიციპალიტეტის მერიის მიერ გავრცელებულ ინფორმაციაში.

„გორის მაცნეს“ ინფორმაციით, დაგეგმილი სარეაბილიტაციო სამუშაოები მოიცავს როგორც ტრანსპორტის სავალ ნაწილს, ასევე, მიერთებების, ეზოებში შესასვლელებისა და ბეტონის არხის მოწყობასაც.