საზოგადოება
24.03.2022 11:10
„სამოქალაქო საზოგადოების ინსტიტუტს“ და გორის მერიას შორის ერთობლივ პროექტებზე მუშაობა 2022 წელს ახალი მემორანდუმის ფარგლებში გაგრძელდება
გორის მუნიციპალიტეტის მერიასა და „სამოქალაქო საზოგადოების ინსტიტუტს“ შორის მემორანდუმი გაფორმდა.
მემორანდუმის თანახმად, ურთიერთთანამშრომლობის ძირითადი მიზანია თვითმმართველობის საქმიანობაში მოქალაქეთა ჩართულობის ზრდის ხელშეწყობა.
თანამშრომლობის ფარგლებში იგემება სამოქალაქო ბიუჯეტის მოდულის განვითარება, მუნიციპალიტეტის გამჭვირვალეობის ზრდის ხელშეწყობა, სამოქალაქო მონიტორინგის მექანიზმებისა და უწყების შიდა შეფასების მეთოდოლოგიის დანერგვა.
გორის მუნიციპალიტეტის მერი ვლადიმერ ხინჩეგაშვილი „სამოქალაქო საზოგადოების ინსტიტუტის“ წარმომადგენელს მხარდაჭერასა და თანამშრომლობას დაჰპირდა. ხინჩეგაშვილის განცხადებით, ერთობლივ პროექტებზე მუშაობა 2022 წელს ახალი მემორანდუმის ფარგლებში გაგრძელდება.
ცნობისთვის, სამოქალაქო საზოგადოების ინსტიტუტი და გორის მუნიციპალიტეტის მერია გასულ წელსაც აქტიურად თანამშრომლობდნენ.
