გიორგი ერისთავის სახელობის გორის სახელმწიფო დრამატული თეატრი ერთგულ მაყურებელს კვირის ბოლომდე სამ სპექტაკლს შესთავაზებს.

აფიშის მიხედვით, რომელიც თეატის ადმინისტრაციამ რამდენიმე წუთის წინ გაავრცელა, 18 მარტს, მაყურებელს შეუძლია იხილოს წარმოდგენა - „სიყვარული შობს სიყვარულს“. სპექტაკლი 19:00 საათზე დაიწყება.

19 მარტს, 20:00 საათზე, გიორგი ერისთავის სახელობის გორის სახელმწიფო დრამატული თეატრის დასი მაყურებელს „იესოს საქმეს“ წარუდგენს.

20 მარტს კი, „ვენეციელი ვაჭარი“ დაიკავებს თეატრის სცენას, წარმოდგენა საღამოს 19:00 საათზე დაიწყება.

გიორგი ერისთავის სახელობის გორის სახელმწიფო დრამატული თეატრის ადმინისტრაციის ცნობით, მაყურებელს ბილეთები შეძენა შეუძლია როგორც თეატრის სალაროში (0370277932; 577390350), ასევე, ონლაინ - biletebi.ge-ზე.