კონფლიქტები
04.03.2022 10:07
ერგნეთში ინციდენტების პრევენციისა და მათზე რეაგირების მექანიზმის ფარგლებში რიგით 105-ე შეხვედრა დღეს გაიმართება
გამყოფ ხაზთან მდებარე სოფელ ერგნეთში, ინციდენტების პრევენციისა და მათზე რეაგირების მექანიზმის ფარგლებში დღეს რიგით 105-ე შეხვედრა გაიმართება.
წინასწარი ინფორმაციით, საქართველოს ცენტრალური ხელისუფლების წარმომადგენლები გამყოფ ხაზთან ბოლო პერიოდში დაფიქსირებული უკანონო ე.წ. ბორდერიზაციის პროცესს, საოკუპაციო ხაზის გასწვრივ განხორციელებულ დესტრუქციულ ქმედებებებსა და საქართველოს მოქალაქეების უკანონოდ დაკავების ფაქტებს გააპროტესტებენ. განსახილველი საკითხები მოიცავს იმ ჰუმანიტარულ მიმართულებებსაც, რაც მნიშვნელოვანია საოკუპაციო ხაზის ორივე მხარეს მცხოვრები მოსახლეობისთვის.
