გორის მთავარი ნაძვის ხე საზეიმო ვითარებაში დღეს, 19:00 საათზე აინთება. ამ წუთებში, კეთილმოწყობის სააგენტოს თანამშრომლებს, საახალწლო სანათებით, ილუმინაციებითა და სხვა აქსესუარებით ქალაქის მორთვის სამუშაოებში ბოლო დეტალები შეაქვთ.
ნაძვის ანთებასთან ერთად, ქალაქის მთავარ მოედანზე კულტურის ცენტრის ახალგაზრდებისა და "Gloria Family Dance Studio"-ს მონაწილეობით ფლეშმობი გაიმართება. უფრო პატარებისათვის კი, საახალწლო განწყობის შესაქმნელად Kids Land- ის ანიმატორები და ზღაპრის გმირები იზრუნებენ.

როგორც გორის მუნიციპალიტეტის მერიაში ამბობენ, ადგილობრივი თვითმმართველობა სადღესასწაულო დღეებში არაერთი ღონისძიების  მოწყობას გეგმავს.