კომპანია Meta-ს მიერ გავრცელებული ინფორმაციის მიხედვით, შესაძლოა „ფეისბუქი“ და „ინსტაგრამი“ მთელ ევროპაში დაიხუროს.

რაც შეეხება მიზეზს, გავრცელებული ინფორმაციის მიხედვით, საქმე ეხება მომხმარებლების მონაცემთა დაცვის შესახებ ევროპულ რეგულაციებს, რომელიც კომპანია Meta-ს უფლებას არ აძლევს, გადაიტანოს, შეინახოს და დაამუშავოს ევროპელების მონაცემები აშშ-ში დაფუძნებულ სერვერებზე.

ყველაფერი ჯერ კიდევ 2020 წლის ივლისში დაიწყო, როცა ევროპის ადამიანის უფლებათა სასამართლომ მოახდინა იმ ჩარჩო ხელშეკრულების ანულირება, რომელიც აშშ-ევროპას შორის პერსონალური მონაცემების კომერციული მიზნით გაცვლას არეგულირებდა. სასამართლომ მიიჩნია, რომ არსებული სისტემა ვერ უზრუნველყოფდა ევროპის ქვეყნების მოქალაქეების პირადი მონაცემების დაცვას. შედეგად, ამერიკულ კომპანიებს ევროპელ მომხმარებელთა მონაცემების აშშ-ში გადაგზავნაზე შეზღუდვები დაუწესდა.

როგორც კომპანია Meta-ში აღნიშნავენ, მომხმარებლების მონაცემების დამუშავებას გადამწყვეტი მნიშვნელობა აქვს ბიზნესისთვის, რათა სოციალურ პლატფორმებზე რეკლამის გაშვების დროს სამიზნე აუდიტორია სწორად შეირჩეს, შესაბამისად, Meta-ში იმედოვნებენ, რომ მიმდინარე წელს ახალ შეთანხმებას მიაღწევენ და ევროპაში Instagram-ისა და Facebook-ის პლატფორმების დახურვა არ მოუწევთ.