საინტერესო ამბები
09.12.2021 15:29
2022 წელი ცისფერი ვეფხვის წელია, როგორი იქნება დამდეგი წელი აღმოსავლური ჰოროსკოპის ნიშნებისთვის
2022 წელი, აღმოსავლური ჰოროსკოპის მიხედვით, ცვლილებების მომტანი ცისფერი ან შავი (მას ორივენაირად უწოდებენ) წყლის ვეფხვის წელია. თუ ასტროლოგებს დავუჯერებთ, ზოდიაქოს თითოეული ნიშანი იგრძნობს ამ ცხოველის ძალას. წელიწადს ორი სიმბოლო აქვს – ხე, რომელიც სტაბილურობას უზრუნველყობს და წყალი, რომელიც ადამიანებს კვებავს გრძნობებითა და შემოქმედებითი ძალებით. ამასთან, ეს მტაცებელი ცხოველი ადამიანებში გააღვიძებს ოპტიმიზმსა და მიზანსწრაფვას, აიძულებს მათ ოცნებებისკენ სწრაფად იარონ. რევოლუციური ვეფხვი უამრავ ცვლილებას მოიტანს და დაარღვევს სტერეოტიპებს.
2022 წელი იქნება ინოვაციური და აქტიური პერიოდი. შეიძლება ითქვას, რომ ვეფხვი მფარველობს არა მათ, ვისაც სიყვარული შეუძლია, არამედ მათ, ვინც მზადაა ცხოვრებაში სასურველ სიმაღლეებს მიაღწიოს.
ვეფხვი ერთგული ცხოველია, ამიტომ, მიუხედავად მთელ მსოფლიოში არსებული ვითარებისა, ოჯახი უსაფრთხოდ იქნება. ოჯახური სიმყუდროვე, სიმშვიდე, გაგება სიყვარულში – სწორედ ამას უნდა ველოდოთ მომავალ წელს.
GMnews-აღმოსავლურ ჰოროსკოპზე დაყრდნობით გაგაცნობთ, რას მოუტანს ვეფხვის წელიწადი სხვადასხვა წლებში დაბადებულ ადამიანებს.
ვირთხა - თქვენთვის წარმატებული წელია, ყველაფერი თავის ადგილს დაუბრუნდება. განსაკუთრებული წარმატებები გელოდებათ კარიერაში, მაგრამ არცთუ საუკეთესო დროა სამსახურის შესაცვლელად. უნდა გქონდეთ საკუთარი თავის იმედი. სასიყვარულო საკითხებში კი მაინცდამაინც არ გაგიმართლებთ – დიდი ალბათობით, მარტოხელები ისევ მარტო იქნებით, დაოჯახებულებს კი ოჯახში შეიძლება პრობლემები შეგექმნათ. ასტროლოგები გირჩევენ, მეტი დრო გაატაროთ ოჯახთან და ახლობლებთან. ჯანმრთელობის მხრივ, ყურადღება უნდა მიაქციოთ საჭმლის მომნელებელ სისტემას.
ხარი - 2022 წელს ცხოვრება უფრო სტაბილური გახდება მიუხედავად იმისა, რომ იწყება ბრძოლისა და დაძაბულობის პერიოდი. თუ თავგადასავლებს აარიდებთ თავს, გაჩნდება წარმატებების მიღწევის ან პროგრესის შანსი. იქნება საუკეთესო დრო სიყვარულის და კარიერაში კარგი შესაძლებლობების. ვეფხვის წელიწადში ხარებმა სამსახური არ უნდა გამოიცვალოთ. უბრალოდ, რეკომენდებულია ძილის გრაფიკის შედგენა, დიდი დროის დათმობა ურთიერთობების მოგვარებისთვის.
ვეფხვი - მომგებიანი, მაგრამ პრობლემური წელი გელოდებათ. მიღებული გადაწყვეტილებები შეიძლება ბრწყინვალე წარმატებების ან სერიოზული მარცხის წყარო გახდეს. 2022 წელი კარგი დროა მეორე ნახევრის პოვნის, დაოჯახებისთვის. კარიერულ სფეროში ვეფხვისთვის წინსვლის შანსები გაჩნდება. საჭიროა სიფრთხილე ფინანსურ საკითხებში, არ უნდა გქონდეთ დიდი მიღწევების იმედი, არ გადადგათ დაუფიქრებელი ნაბიჯები, არ დახარჯოთ ფული არაგონივრულად, არ ჩადოთ დიდი თანხები აქციებში.
კურდღელი (კატა) - ეს ის წელია, როდესაც ყველაფერი განსაკუთრებულად რეალისტურად გეჩვენებათ, პირადი ცხოვრება სტაბილურია. გელოდებათ საინტერესო წინადადებები, სურვილების ასრულება. გაგიმართლებთ კარიერაში, ბიზნესში, თუმცა, ზოგიერთ პრობლემას ვერ აიცილებთ თავიდან, მაგალითად, ფინანსებთან მიმართებით ფრთხილად უნდა იყოთ. იღბალი რომ არ დაკარგოთ, სოციალურ ურთიერთობებში უფრო დაკვირვებული უნდა იყოთ. ასევე არ ღირს ზედმეტი დატვირთვა – ჯანმრთელობას მიაქციეთ ყურადღება.
დრაკონი - კარგი წელია ხელიდან გაშვებული მოგების დასაბრუნებლად, ხოლო სიყვარულთან დაკავშირებით, შეიძლება პრობლემები შეიქმნას და სტაბილურობა დაირღვეს. არ უნდა გაჯიუტდეთ, არ აჰყვეთ ემოციებს, არამედ, საჭიროა სიმტკიცე და სიზუსტე მოქმედებებში. კარიერაში იღბალი თქვენს გვერდით იქნება, მაღალია წინსვლის ალბათობა, მაგრამ გაითვალისწინეთ, რომ ასეთ შემთხვევაში კოლეგებთან სიფრთხილე გმართებთ, რადგან მოსალოდნელია გარკვეული უსიამოვნებები. ყურადღება უნდა მიაქციოთ ფიზიკურ აქტიურობას.
გველი - რთული წელია გეგმების წინ წაწევისა და დანაპირების ასრულების მოლოდინის მხრივ. პრობლემებთან შეჯახება დიდი დანაკარგებით არ დამთარდება. მარტოხელებს სიყვარულში გაგიმართლებთ, ქალები ემოციურად უფრო მგრძნობიარე გახდებიან. კარიერაში წინსვლა შესაძლებელია, მაგრამ კოლეგებთან თავაზიანობა და გულწრფელობაა საჭირო და არავითარ შემთხვევაში – ჭორების აგორება ზურგს უკან. სანამ რამე სერიოზულ გადაწყვეტილებას მიიღებთ, მანამდე რამდენიმე ვარიანტი განიხილეთ.
ცხენი - უსაფრთხო და დინამიკური წელი გელოდებათ. აქცენტი კეთდება ოპტიმიზმსა და თავგადასავლებზე, რომლის დროსაც პრობლემები შემცირდება ან საერთოდ გაქრება. გელოდებათ წარმატებები კარიერაში, კარგი შემოსავლები, დაწინაურება სამსახურში, ხელფასის მომატება. ყურადღება მიაქციეთ ფიზიკურ მდგომარეობას, რადგან წლის დასაწყისში არსებული ენთუზიაზმი დროთა განმავლობაში ჩაქრება და აქტიურობის სურვილი აღარ გექნებათ. პირად ცხოვრებაში დიდი ცვლილებები არ არის მოსალოდნელი. სავარაუდოდ, მარტოხელები კვლავ მარტო ივლიან.
თხა (ცხვარი) - უპრობლემო წელი გელოდებათ გამოცდების, ჯანმრთელობისა და ფინანსების თვალსაზრისით. კარიერა კაშკაშა და მრავლის მომცემი იქნება. რეკომენდებულია მატერიალური სტაბილურობის შენარჩუნება, არ არის საჭირო დიდი ინვესტიციების ჩადება. დაძაბული სამუშაოს გამო შესაძლებელია ჯანმრთელობის პრობლემები, ამიტომ ამას ყურადღება უნდა მიაქციოთ. პირად ცხოვრებაში გაქვთ ურთიერთობების დაწყების შანსი, ასევე არის ბავშვის გაჩენის ალბათობა. მზად ხართ, გადალახოთ დაბრკოლებები და გქონდეთ, პირველ რიგში, საკუთარი თავის იმედი.
მაიმუნი - 2022 წელს იღბალი თქვენს გვერდით იდგება და ის ძალიან დაგჭირდებათ, რადგან არაერთი სირთულე გელოდებათ. გაგიმართლებთ კარიერაში, მაგრამ სამუშაოს დეტალებს მეტი ყურადღება უნდა დაუთმოთ. სასიყვარულო ასპარეზზე არასტაბილურობაა და აუცილებელია, რომ კონფლიქტები აიცილოთ თავიდან, გააკონტროლოთ ემოციები. ვეფხვის წელიწადში თქვენთვის ჰაერივით აუცილებელია მოთმინების შენარჩუნება, კარდინალურად შეცვლა, ოჯახისა და ახლობლების ენერგიით „ვამპირივით“ დამუხტვა.
მამალი - თუ ვეფხვს არ გაუწევთ კონკურენციას, ბედნიერი, შესანიშნავი წელი გელოდებათ. სასიყვარულო ფრონტზე დიდი ცვლილებები მოსალოდნელი არ არის. უმეტესობა სამუშაოთი იქნება დაკავებული. კარიერული კუთხით დიდი ძალისხმევა გჭირდებათ, უნდა გამოიყენოთ შანსი, როგორც კი ის გაჩნდება. მოერიდეთ ძვირფასი ნივთების შეძენას. 2022 წლის შუა პერიოდიდან უფრო ხელმომჭირნე გახდებით. არასასურველია ახალი საქმის დაწყება.
ძაღლი - საქმიანი აქტიურობის თვალსაზრისით, იღბლიანი წელია. დაიბრუნებთ პოპულარობას, სტატუსსა და ძალაუფლებას. სიყვარულში ყველაფერი სტაბილურადაა დიდი ცვლილებების გარეშე. გაგიჩნდებათ მეტი დრო საკუთარი თავისთვის. თუ მეტ ყურადღებას ოჯახს დაუთმობსთ და არა სამსახურს, პირადი ცხოვრება უკეთესი გახდება. შემოქმედებითი ადამიანები საზოგადოების მხრიდან აღიარებას მიიღებენ, ასევე მოსალოდნელია თანხის მიღება, დაწინაურება. ბიზნესმენებმა კი უნდა იფრთხილონ, რადგან არის კლიენტების ან პარტნიორების დაკარგვის ალბათობა. მონდომების და ყურადღების გამოჩენის შემთხვევაში, მატერიალური ბალანსის შენარჩუნებას შეძლებთ.
ღორი - ბევრი უნდა იშრომოთ, მაგრამ ამისთვის მადლობას გეტყვიან და დაგაჯილდოვებენ. მეუღლეებს შორის შეიძლება გახშირდეს ჩხუბი, მოიმატოს დაძაბულობამ. დიდია სასიყვარულო სამკუთხედის ალბათობა. რაც შეეხება შეყვარებულ წყვილებს, შესანიშნავი წელია ქორწინებისთვის. ასევე კარგი პერიოდია კარიერული წინსვლისა და სრულყოფაზე მუშაობისთვის. გაჩნდება შემოსავლების გაზრდის, აღიარების მოპოვების შანსები. მაგრამ გაითვალისწინეთ, რომ სანამ გადაწყვეტილებას მიიღებთ, ინფორმაცია დეტალურად შეისწავლეთ.
