სამართალი
02.12.2021 13:22
გორში, კომბინატის დასახლების ტერიტორიაზე ავტომანქანა ქვეითს დაეჯახა, დაშავებულის მდგომარეობა მძიმეა
ცოტა ხნის წინ, გორში, კომბინატის დასახლების ტერიტორიაზე ავტოსაგზაო შემთხვევა მოხდა. ავარიის შედეგად დაშავებული ქალის ჯანმრთელობის მდგომარეობა მძიმეა.
მშვიდობის გამზირზე, სოფელ ტინისხიდის ხიდის სიახლოვეს მოძრავი ავტომანქანა ქვეითს დაეჯახა. დაშავებული 50 წლამდე ასაკის ქალი კლინიკა ,,გორმედში“ გადაიყვანეს.
როგორც ,,გორმედის“ გადაუდებელი დახმარების დეპარტამენტში აცხადებენ, პაციენტი პოლიტრავმიტაა შეყვანილი, მისი მდგომარეობა მძიმეა და ესაჭიროება გადაუდებელი ქირურგიული ოპერაცია.
შემთხვევის ადგილზე სამართალდამცავები მუშაობენ, მძღოლი იდენტიფიცირებულია.
