გორში, თავისუფალ ჭიდაობაში ახალგაზრდებს შორის, დამსახურებული მწვრთნელის, ნუგზარ სხირელის ხსოვნისადმი მიძღვნილი პირველი მემორიალური ტურნირი ჩატარდა.

საპრიზო ადგილებზე გასულ სპორტსმენებს ფულადი პრიზები, თასები, მედლები, სიგელები და სხვა საჩუქრები გადაეცათ. სპორტსმენების გარდა, დაჯილდოვდნენ ჩემპიონების (I საპრიზო ადგილი) პირადი მწვრთნელები.

შეჯიბრში, რომელიც 10 წონით კატეგორიაში გაიმართა, 2002 – 2004 წლებში დაბადებულმა 100-მდე სპორტსმენმა მიიღო მონაწილეობა.

ტურნირი გორის მუნიციპალიტეტის მერის ვლადიმერ ხინჩეგაშვილის ინიციატივით დაიგეგმა და სპორტის განვითარებისა და ხელშეწყობის სააგენტოს ორგანიზებით, გორის მერიისა და საქართველოს ჭიდაობის ეროვნული ფედერაციის მხარდაჭერით ჩატარდა.

ნუგზარ სხირელის სახელობის ტურნირი წელს პირველად ჩატარდა და ტრადიციულ ხასიათს მიიღებს. ცნობილ მწვრთნელს 13 ნოემბერს 76 წელი შეუსრულდებოდა.