იმერეთის შემდეგ, სადაც საქართველოს რეგიონებს შორის ინიცირების ყველაზე მაღალი მაჩვენებელი ფიქსირდება, მეორე ადგილს კვლავ შიდა ქართლი იკავებს.

ბოლო 24 საათის მონაცემებით, ინტენსიური ტესტირების ფარგლებში შიდა ქართლში კოვიდ-19-ის 431 ახალი შემთხვევა გამოვლინდა. ინფიცირების 868 ახალი შემთხვევით, პირველ ადგილზეა იმერეთი.

რაც შეეხება დედაქალაქს და ქვეყნის დანარჩენ რეგიონებს, Stopcov.ge-ზე გამოქვეყნებული ინფორმაციის თანახმად, ბოლო დღე-ღამის განმავლობაში თბილისში გამოვლენილია 1 704 შემთხვევა, აჭარა - 124, ქვემო ქართლი - 321, გურია - 91, სამეგრელო - ზემო სვანეთი - 283, კახეთი - 314, მცხეთა-მთიანეთი - 115, სამცხე-ჯავახეთი - 148, რაჭა-ლეჩხუმი და ქვემო სვანეთი - 46.

ამ ეტაპზე ინფიცირების მიმდინარე აქტიური შემთხვევა 56 164 საიდანაც 6 856 ადამიანი მკურნალობს საავადმყოფოში, მათ შორის მძიმე პაციენტია 1 657 პირი.

შეგახსენებთ, ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 4 445 ახალი დადასტურებული შემთხვევა. ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 775 826-ს.

ბოლო დღე-ღამეში კორონავირუსით გარდაცვალების 77 ახალი შემთხვევა დაფიქსირდა და პანდემიის გავრცელებიდან დღემდე ვირუსით გარდაცვლილთა რაოდენობა 10 816-მდე გაიზარდა.