აშშ-ის ექსპერტთა ჯგუფმა 5-დან 11 წლამდე ასაკის ბავშვების „ფაიზერ/ბიონტექის“ ვაქცინით აცრის რეკომენდაცია გასცა. როგორც ექსპერტების ანგარიშშია მითითებული, ვაქცინაციის სარგებელი რისკებს ბევრად აღემატება.

გადაწყვეტილებას მხარი კომიტეტის 17 წევრმა დაუჭირა, ერთმა კი - თავი შეიკავა.

მიუხედავად იმისა, რომ კოვიდ 19-ით მძიმედ დაავადებისა და გარდაცვალების შემთხვევები ბავშვებში მოზრდილებთან შედარებით იშვიათია, არავაქცინირებულ ბავშვებში დაინფიცირების შემთხვევები, „დელტა“ ვარიანტის გამო გაიზარდა. კვლევის შედეგები აჩვენებს, რომ ამერიკაში კორონავირუსით 500-ზე მეტი ბავშვი გარდაიცვალა.

კომპანიების, „ფაიზერისა“ და „ბიონტექის“ განცხადებით, მათმა ვაქცინამ 5-დან 11 წლამდე ასაკის ბავშვებზე ჩატარებულ კლინიკურ კვლევებში კოროვირუსის წინააღმდეგ 90.7%-იანი ეფექტურობა აჩვენა.