საზოგადოება
26.10.2021 12:02
თვითდასაქმების ხელშეწყობის მიზნით, დევნილებსა და ეკომიგრანტებს გრანტები გადაეცემათ - განაცხადები 3 ნოემბრის ჩათვლით მიიღება
დევნილთა, ეკომიგრანტთა და საარსებო წყაროებით უზრუნველყოფის სააგენტო, იძულებით გადაადგილებულ პირებს, თვითდასაქმების ხელშეწყობის მიზნით, ხელსაწყოებსა და ტექნიკას გადასცემს. როგორც უწყებაში აცხადებენ, განაცხადების მიღების ვადა 3 ნოემბრის ჩათვლით გახანძლივდა.
GMnews-ის ინფორმაციით, საგრანტო პროგრამაში მონაწილეობის მსურველებს პროფესიული განათლების დამადასტურებელი დოკუმენტაცია უნდა გააჩნდეთ. დევნილები და ეკომიგრანტები, 2000 ლარის ღირებულების სახელობო იარაღებს, რაც მათ საქმიანობის წამოწყებასა თუ გაფართოებაში დაეხმარებათ, თავადვე შეარჩევენ. ამ ეტაპზე, პროგრამის ფარგლებში, 50 იძულებით გადაადგილებული პირი დაფინანსდება.
განაცხადების მიღება დევნილთა, ეკომიგრანტთა და საარსებო წყაროებით უზრუნველყოფის სააგენტოსა და მის ტერიტორიულ სამმართველოებში მიმდინარეობს. გორში მცხოვრებმა დაინტერესებულმა პირებმა აპლიკაციის შესავსებად გორში, სამების ქუჩა N1 - ში მდებარე დაწესებულებას უნდა მიმართონ. განაცხადის გაგზავნა შესაძლებელია სააგენტოს ოფიციალურ ელექტრონულ ფოსტაზეც – info@ idp. Gov .ge
