საზოგადოება
12.10.2021 13:54
იქნება თუ არა საჭირო ბუსტერ დოზით აცრის შემთხვეაში წინასწარი რეგისტრაცია
ბუსტერ დოზების შემთხვევაში, ვაქცინაცია შეიძლება ჩატარდეს რეგისტრაციის გარეშეც და რეგისტრაციითაც, - ამის შესახებ ჯანდაცვის მინისტრის პირველმა მოადგილემ, თამარ გაბუნიამ საკოორდინაციო საბჭოს დასრულების შემდეგ გამართულ ბრიფინგზე განაცხადა.
მისივე თქმით, მესამე დოზაზე რეგისტრაციისთვის სისტემა მომდევნო კვირისთვის გაიმართება.
როგორც გაბუნიამ აღნიშნა, ქრონიკული დაავადებების მქონე პირებს ვაქცინაციაზე ექიმის ცნობის ან ფორმა-100-ის წარდგენა მოუწევთ. რაც შეეხება 50 წლის ზემოთ პირებს, მათ ცნობის წარდგენა არ დასჭირდებათ. ამ კატეგორიის მოქალაქეებს შეუძლიათ დარეგისტრირდნენ ან რეგისტრაციის გარეშე აიცრან.
