საზოგადოება
26.11.2019 15:22
მასწავლებელთა კომპეტენციის დადასტურების ტესტირების შედეგების გამოქვეყნება დაიწყო
შეფასებისა და გამოცდების ეროვნულმა ცენტრმა მასწავლებელთა კომპეტენციის დადასტურების ტესტირების შედეგების გამოქვეყნება დაიწყო. დაინტერესებულ პირებს, შედეგების ნახვა შეუძლიათ შეფასებისა და გამოცდების ეროვნული ცენტრის ვებ.გვერზე - www.online.naec.ge. ამასთან, შედეგების გაგება მოკლე ტექსტური შეტყობინებითაცაა შესაძლებელი. ამისთვის აპლიკანტმა მობილური ტელეფონიდან საგამოცდო ბარათზე მითითებული ცხრანიშნა კოდი უნდა გაგზავნოს ნომერზე: 93333.
(მომსახურების საფასური 50 თეთრია).
(მომსახურების საფასური 50 თეთრია).
ამ დროისთვის, გამოქვეყნებულია ქართული ენისა და ლიტერატურის (VII-XII), მათემატიკის (VII-XII), ბიოლოგიის, გეოგრაფიის, ქიმიის, სახვითი და გამოყენებითი ხელოვნების, ისტორიის, ფიზიკისა და უცხოური ენების გამოცდების შედეგები. უწყების ცნობით, სხვა საგნებში დაფიქსირებული მაჩვენებლები ეტაპობრივად გამოქვეყნდება.
შეგახსენებთ, რომ აპლიკანტებს შეფასებისა და გამოცდების ეროვნულ ცენტრისთვის სააპელაციო განაცხადებით მიმართვა მას შემდეგ შეეძლებათ, როცა ყველა საგნის შედეგი გახდება ცნობილი.
