გორის მუნიციპალიტეტის მასშტაბით არსებულ საჯარო თუ კერძო სკოლებში, ამ ეტაპზე რამდენიმე აქტიური ვაკანსიაა. GMnews გაგაცნობთ იმ განცხადებების დეტალებს, სადაც საბუთების წარდგენის ვადა ხვალ, 11 სექტემბერს იწურება.

სსიპ - გორის მუნიციპალიტეტის სოფელ მერეთის საჯარო სკოლაში ინფორმაციული და საკომუნიკაციო ტექნოლოგიების მასწავლებლის პოზიციაზე გამოცხადებულია ვაკანსია. განცხადების თანახმად, სკოლა პედაგოგს I, II, III, IV, V, VI კლასებისთვის ეძებს, სამუშაო გრაფიკი კვირაში 8 საათიან დატვირთვას გულისხმობს, რაც შეეხება თვიურ ანაზღაურებას 234-549 ლარი იქნება. აღნიშნულ ვაკანსიაზე მსურველებს, განაცხადის გაკეთების ვადა 11 სექტემბერს ეწურებათ.

ასევე 11 სექტემბერს იწურება განცხადების წარდგენის ვადა სსიპ - ქალაქ გორის №10 საჯარო სკოლის მიერ გამოცხადებულ ვაკანსიაზეც, რომელიც II და III კლასებში ინფორმაციული და საკომუნიკაციო ტექნოლოგიების პედაგოგის პოზიციაზე მასწავლებლის შერჩევას გულისხმობს. ამ შემთხვევაში სამუშაო გრაფიკი კვირაში 5 საათიან დატვირთვას გულისხმობს, თვიური ანაზღაურება კი - 110-150 ლარი გახლავთ.

ინფორმაციული და საკომუნიკაციო ტექნოლოგიების პედაგოგს ეძებს სსიპ - ქალაქ გორის №11 საჯარო სკოლაც. აღნიშნულ ზოგადსაგანმანათლებლო დაწესებულებას მასწავლებლის ვაკანსია II, III, IV, V, VII კლასების პედაგოგის პოზიციაზე აქვს გამოცხადებული. სამუშაო გრაფიკი კვირაში 7 საათს გულისხმობს, თვიური ანაზღაურება კი 250-300 ლარი გახლავს. ამ ვაკანსიაზეც, განაცხადის გაკეთების ვადა ხვალ, 11 სექტემბერს იწურება.

მასწავლებლობის/მაძიებლობის მსურველმა განაცხადი უნდა გაგზავნოს შემდეგ ელექტრონულ მისამართზე: www.pedagogi.ge (teacherjobs.ge) და მასწავლებლობის მსურველად დარეგისტრირდეს.