დღეიდან, ნებისმიერი სახის დაუფასოებელი თამბაქოს ნედლეულის მიწოდება-რეალიზაცია იკრძალება.

ჩიბუხის, შესახვევი, ან ჩილიმისთვის განკუთვნილი თამბაქოს რეალიზაცია მხოლოდ იმ შემთხვევაშია დასაშვები, თუ  ნაწარმი 50 ან 100 გრამიან პირველად შეფუთვაშია დაფასოებული და აქციზური მარკითაა ნიშანდებული.

21 ნოემბრიდან, აქციზური მარკირების გარეშე, ასევე, კანონდარღვევად ითვლება ელექტრონული სიგარეტის მოხმარებისთვის განკუთვნილი სითხეების რეალიზაციაც.

დაფასოების გარეშე მომხმარებლისთვის თამბაქოს მიწოდება ფინანსური სანქციით ისჯება, რაც პირველ ჯერზე 2000 ლარის, ხოლო განმეორებისას – 4000 ლარის ოდენობით ფულად ჯარიმას გულისხმობს.