საზოგადოება
01.09.2021 12:33
იუსტიციის სამინისტრო კოვიდასაწინააღმდეგო ვაქცინით ორჯერადად აცრილებისთვის შეღავათებს აწესებს
იუსტიციის სამინისტრო კოვიდასაწინააღმდეგო ვაქცინით ორჯერადად აცრილებისთვის შეღავათებს აწესებს.
სრულად ვაქცინირებული პირები იუსტიციის სამინისტროს სერვისების ნაწილს უფასოდ, ნაწილს კი ნახევარ ფასად მიიღებენ.
GMnews-ის ინფორმაციით, სრულად ვაქცინირებულები უსასყიდლოდ იუსტიციის სამინისტროს შემდეგი სერვისებით ისარგებლებენ: ინდივიდუალური მეწარმის რეგისტრაცია, რეგისტრირებულ მონაცემებში ცვლილება და შეწყვეტა; უძრავ ქონებაზე ამონაწერის განახლება;
50%-იანი ფასდაკლება კი, იმოქმედებს შემდეგ სერვისებზე: ქორწინების დამაბრკოლებელი გარემოებების შესახებ ცნობის გაცემისას და ID ბარათზე სერთიფიკატის განახლებისას.
იუსტიციის სამინისტოს მიერ დაწესებული შეღავათების მიღება სრულად ვაქცინირებულთათვის იუსტიციის სახლებსა და საზოგადოებრივ ცენტრებში წინასწარი ჯავშნის გარეშე იქნება შესაძლებელი.
