იუსტიციის სახლი სტუდენტებს სიახლეს სთავაზობს - დაიტანონ სტუდენტის სტატუსი პირადობის ელექტრონულ მოწმობაზე და ისარგებლონ შეღავათებით

როგორც უწყებაში აცხადებენ, პირადობის ელექტრონულ მოწმობაზე სტუდენტის სტატუსი დაიტანება 7 სამუშაო დღეში, უფასოდ. მოხმარებელი გადაიხდის მხოლოდ საფოსტო მომსახურების საფასურს.

დაინტერესებულმა პირებმა, სერვისის სარგებლობისთვის ვიზიტი წინასწარ უნდა დაჯავშნონ პორტალზე: www. My. gov. ge

„იუსტიციის სახლი ყველა სტუდენტს ულოცავს სტუდენტობას და სთავაზობს სიახლეს - დაიტანონ სტუდენტის სტატუსი პირადობის ელექტრონულ მოწმობაზე და ისარგებლონ შეღავათებით. ფასდაკლებებით სარგებლობა შეგიძლიათ თეატრის, კინოსა და მატარებლის ბილეთების შეძენისას, მუზეუმებსა და ბოტანიკურ ბაღებში. ასევე, კერძო კომპანიების ინდივიდუალური შეთავაზებებისას“, - აცხადებენ უწყებაში.