გასული დღე-ღამის განმავლობაში, საქართველოში კორონავირუსით ინფიცირების 4 031 ახალი შემთხვევა დაფიქსირდა, - ამის შესახებ ინფორმაციას  დაავადებათა კონტროლისა და საზოგადოებრივი ჯანმრთელობის ეროვნული ცენტრი ავრცელებს.

ცენტრის ცნობით, ბოლო 24 საათში, კორონავირუსული ინფექცია 4 585-მა პირმა დაამარცხა, სამწუხაროდ დაფიქსირდა ვირუსით გარდაცვალების 73 ფაქტი.

ამ დროისთვის საქართველოში სულ დაფიქსირებულია კორონავირუსის 536 202 დადასტურებული შემთხვევაა, მათ შორის გამოჯანმრთელდა 473 502 პირი, გარდაიცვალა 7 101 პაციენტი.