სოფლის მხარდაჭერის პროგრამის ფარგლებში, გორის მუნიციპალიტეტის  სოფელ თხილნარაში გზის გაწმენდის სამუშაოები მიმდინარეობს. როგორც ადგილობრივ თვითმმართველობაში აცხადებენ, ზემოხსენებული პროგრამის ფარგლებში, ბოშურის ტერიტორიულ ორგანოში შემავალი სოფლებიდან გზები კიდევ ოთხ სოფელში: ტუსრევში, ყველაანთუბანში, გაგლოაანთუბანსა და ლევიტატანაშიც გაიწმინდება.
„საპროექტო მონაკვეთების სიგრძე ჯამში 10 კილომეტრამდეა. რაც შეეხება შესასრულებელი სამუშაოების ღირებულებას,  50 000 ლარია.
სამუშაოების დასრულების შემდეგ, მთის ამ სოფლებში არსებულ გზებზე გადაადგილებისას პრობლემები აღარ შექმნება“, -ამბობენ გორის მერიაში.
შეგახსენებთ, 2021 წელს სოფლის მხარდაჭერის პროგრამის ფარგლებში ადგილობრივი მოსახლეობის მიერ ხმათა უმრავლესობით შერჩეული პროექტები 120 სოფელში განხორციელდება, რისთვისაც, რეგიონებში განსახორციელებელი პროექტების ფონდიდან 1 596 000 ლარი გამოიყო.
სოფლის მხარდაჭერის პროგრამის მიზანია, სოფლებში სოციალურ-ეკონომიკური საჭიროებების დაფინანსება და გადაწყვეტილების მიღების პროცესში ადგილობრივი მოსახლეობის ჩართულობის უზრუნველყოფა.