2022 წლის ზაფხულიდან ვენეციაში შესვლა ფასიანი ხდება, გარდა ამისა, ტურისტებისთვის კვოტები ამოქმედდება, - ამის შესახებ ინფორმაცია ვენეციის რეგიონის მთავრობამ გაავრცელა.

დაგეგმილი რეგულაციების მიხედვით, მსოფლიოს ერთ-ერთი ყველაზე პოპულარული ტურისტული ქალაქში პოტენციურ ვიზიტორებს შესვლის წინასწარი დაჯავშნები მოუწევთ.

ქალაქის ისტორიულ ცენტრთან მისასვლელ მთავარ ადგილებზე დაგეგმილია ტურნიკეტების დამონტაჟებაც.

არსებული ინფორმაციით, ტურისტების ნაკადზე კონტროლის ღონისძიებები ჯერ კიდევ პანდემიამდე, წლების განმავლობაში განიხილებოდა.

გასულ თვეში იტალიის მთავრობამ დიდი საკრუიზო გემების ვენეციის ლაგუნაში შესვლაც აკრძალა, რომ ისტორიული ადგილი ზედმეტი ტურიზმისგან დაეცვა.

2022 წლიდან, ვენეციაში შესვლა შესაძლოა, 3-დან 10 ევრომდე ღირდეს. დღიური ფასი დადგინდება სეზონისა და ტურისტების რაოდენობის მიხედვით.