საზოგადოება
23.08.2021 12:16
პედაგოგების სულ მცირე 80% უნდა აიცრას, რომ ბავშვებმა უსაფრთხო გარემოში, საკლასო სივრცეში სწავლება შეძლონ
სკოლების გახსნასთან მიმართებაში ერთ-ერთი მთავარი პირობა არის პედაგოგების მასიური ვაქცინაცია, - ამასთან დაკავშირებით ჯანდაცვის მინისტრმა ეკატერინე ტიკარაძემ განაცხადა.
„როცა ვსაუბრობთ სკოლების გახსნაზე, ერთ-ერთი მთავარი პირობა არის პედაგოგების მასიური ვაქცინაცია. პედაგოგების სულ მცირე 80% უნდა იყოს აცრილი იმისთვის, რომ ჩვენ სკოლა უსაფრთხოდ ჩავთვალოთ. ასევე, მნიშვნელოვანია ყველა შემოღებული ღონისძიებიდან გამომდინარე ეპიდსიტუაციის მაქსიმალური დასტაბილურება იმისთვის, რომ ჩვენმა ბავშვებმა უსაფრთხო გარემოში, საკლასო სივრცეში სწავლება შეძლონ. მოგეხსენებათ, ინფექციის მატება მიმდინარეობს არასრულწლოვანებში“, - განაცხადა ჯანდაცვის მინისტრმა.
