ამჟამად სტაციონარული მკურნალობა უტარდება 160-ზე მეტ კოვიდინფიცირებულ პაციენტს, 12-ის ჯანმრთელობის მდგომარეობა მძიმეა, მათგან 5 მართვით სუნთქვაზეა“, - ამის შესახებ სამედიცინო ქსელ ,,გორმედის“ გენერალურმა დირექტორმა ანდრია მიზანდარმა განაცხადა.

,,გორმედის“ ქსელის კოვიდკლინიკებში ამჟამად სტაციონარული მკურნალობა უტარდება 160-ზე მეტ პაციენტს, მათგან 110 პირი მოთავსებულია ,,გორმედის“ ქსელის გორის საუნივერსიტეტო კლინიკის იზოლირებულ შენობაში განთავსებულ სტაციონარში, 50 პირი ქარელის კოვიდკლინიკაში და 7 პაციენტი, ვისაც ადგილზე ამბულატორიული კონსულტაციისას  დაუდასტურდა კორონავირუსული ინფექცია, მკურნალობას გადის ხაშურის ცენტრალური საავადმყოფოს იზოლირებულ კოვიდბლოკში. მთლიანობაში, გორისა და ქარელის კოვიდკლინიკებში თავისუფალი საწოლები აღარ არის, თუმცა, ინფექციის მზარდი მაჩვენებლის ფონზე, სამედიცინო ქსელმა დამატებითი რესურსების მობილიზება მოახდინა, რომ საჭიროების შემთხვევაში შეძლოს ინტენსიური თერაპიული სამედიციონო სერვისების მიწოდება. ქსელის მასშტაბით, 12 კოვიდინფიცირებული პაციენტის ჯანმრთელობის მდგომარეობა მძიმეა, მათგან 5 მართვით სუნთქვაზეა“, - განაცხადა ანდრია მიზანდარმა.

მიზანდარის ინფორმაციით, კოვიდის მართვის პარელელურად, ,,გორმედი“ იზოლირებულ სივრცეში განაგრძობს სხვა პათოლოგიების მქონე პაციენტების ამბულატორიულ თუ სტაციონარულ მართვას.

,,მოგეხსენებათ, კოვიდის მართვის პარალელურად, კორონავირუსისგან თავისუფალ გარემოში, კოვიდკლინიკისგან გამიჯნულ სივცეებში ხდება სხვა პათოლოგიების მქონე პაციენტების ამბულატორიული თუ სტაციონარული მართვა, ასევე - ვაქცინაცია. ვირუსული ინფექციის შემთხვევათა მატების ფონზე, მნახველები ან პაციენტის თანმხლები პირები არ დაიშვებიან კლინიკის შიდა სივრცეში. ამბულატორიული პაციენტებისა და ვაქცინირებული პირებისთვის კი მოსაცდელ თუ დაყოვნების სივრცეებში მაქსიმალურადაა დაცული დისტაცია. აქვე, კიდევ ერთხელ მოგიწოდებთ ვაქცინაციისკენ, პანდემიის დამარცხების გზა მეტ აცრილ მოქალაქეზე გადის“, - განაცხადა ანდრია მიზანდარმა.