კორონავირუსის საწინააღმდეგო ვაქცინაცია შიდა ქართლის 5 სამედიცინო დაწესებულებაში მიმდინარეობს. სსიპ ლ. საყვარელიძის სახელობის და­ა­ვა­დე­ბა­თა კონ­ტრო­ლი­სა და სა­ზო­გა­დო­ებ­რი­ვი ჯან­მრთე­ლო­ბის ეროვ­ნუ­ლი ცენ­ტრის საზოგადოებრივი ჯანდაცვის სახელმწიფო პროგრამების და რე­გი­ო­ნუ­ლი მარ­თვის დე­პარ­ტა­მენ­ტის შიდა ქარ­თლის გან­ყო­ფი­ლე­ბის უფ­რო­სის, ეკა ქორ­ჩაშ­ვი­ლის ინფორმაციით, 15 მარტიდან 23 ივლისამდე პერიოდში შიდა ქართლში 14 734 მოქალაქე აიცრა.

,,ამ ეტაპზე, 23 ივლისამდე არსებული მონაცემებით, რეგიონში ვაქცინაცია ჩაუტარდა 14 734 მოქალაქეს, მათგან I დოზითაა აცრილი 9 505 პირი და II დოზით - 5 229 ადამიანი. რაც შეეხება დეტალურ მონაცემებს:

რეგიონში ,,სინოფარმის“ I დოზით ვაქცინირებულია 4 937 პირი,  II დოზით -  1 991;

,,ასტრაზენეკა“ - I დოზით ვაქცინირებულია 2 198 ადამიანი, II დოზით - 1 486;

,,ფაიზერი“ - I დოზით აცრილია 797 მოქალაქე, II დოზით - 277;

,,სინოვაკი“ - I დოზით ვაქცინაცია ჩაუტარდა 1 573 პირს, II დოზით - 1 475 ადამიანს.

რაც შეეხება ახალ შემთხვევებს, ინფექციის გავრცელების მატების ტენდენცია კვლავ შეინიშნება, რეგიონის მუნიციპალიტეტებს შორის ყველაზე მეტი შემთხვევა ფიქსირდება გორში“, - განაცხადა ეკა ქორჩაშვილმა.