გიორგი ერისთავის სახელობის დრამატული თეატრი, სენაკში, რეგიონული თეატრების საერთაშორისო ფესტივალში მიიღებს მონაწილეობას. საგასტროლო ტურნეს ფარგლებში, სპექტაკლს სახელწოდებით - „ვაჟიშვილი“ გორის თეატრის მსახიობები 24 ივლისს ითამაშებენ.

თანამედროვე რეჟისორის დავით ჩხარტიშვილის სასცენო ნამუშევარში გიორგი გოგუაძე, დაჩი ბაბუნაშვილი, ანა მატუაშვილი, ქეთი ლუარსაბიშვილი, კობა კოპაძე, გიორგი ჩოჩნიძე, სოფია დრულევი და მარიამ ოლგესაშვილი მონაწილეობენ.
ცნობისთვის, რეგიონული თეატრების საერთაშორისო ფესტივალი წელს მეშვიდედ ტარდება. გასულ წელს, ზემოხსენებულ ფესტივალს ფოთმა უმასპინძლა, სადაც გორის თეატრმა „იდიალური უცნობები“ წარადგინა.

კორონავირუსის გავრცელებით გამოწვეული ვითარების გათვალისწინებით, ფესტივალის ფარგლებში დაგეგმილი სპექტაკლები რეგულაციების დაცვით გაიმართება.