ბოლო 1 საათის განმავლობაში, ვაქცინაციაზე ვიზიტის დასაჯავშნად გორში არსებული 12 თავისუფალი ადგილიდან 9 შეივსო და ამ დროისთვის მხოლოდ 3 ადგილიღაა თავისუფალი.

შეგახსენებთ, კორონავირუსის საწინააღმდეგო ვაქცინაცია გორში ორ სამედიცინო დაწესებულებაში მიმდინარეობს - გ. აბრამაშვილის სახელობის გორის სამხედრო ჰოსპიტალსა და სამედიცინო ქსელ ,,გორმედის“ გორის საუნივერსიტეტო კლინიკაში. თითოეულ სამედიცინო დაწესებულებაში ვაქცინაციის რამდენიმე კაბინეტი ფუნქციონირებს.

სპეციალურ პორტალზე - booking.moh.gov.ge, ვიზიტის დაჯავშნა გორში ამჟამად შესაძლებელია მხოლოდ 20 ივლისის ჩათვლით.

რაც შეეხება თავისუფალ ადგილებს, ამ დროისთვის ,,გორმედში“ მხოლოდ 3 თავისუფალი ადგილია დარჩენილი ,,სინოფარმით ვაქცინაციაზე დღეს, 15 ივლისს ორი და ერთი ადგილი 16 ივლისს.

რაც შეეხება ჰოსპიტალს,  აღნიშნულ სამედიცინო დაწესებულებაში 20 ივლისის ჩათვლით ყველა ადგილი დაჯავშნილია.