საზოგადოება
02.07.2021 10:24
გუშინ და დღეს, ეროვნულ გამოცდებზე რეგისტრირებულ 50 აბიტურიენტს დაუდასტურდა კორონავირუსი
კორონავირუსი დღეს კიდევ 30 აბიტურიენტს დაუდასტურდა, - ამის შესახებ შეფასების და გამოცდების ეროვნული ცენტრის ხელმძღვანელმა სოფიო გორგოძემ განაცხადა.
გორგოძის ინფორმაციით, კოვიდ 19-ით ინფიცირება 20-მდე აბიტურიენტს დაუდგინდა გუშინ. მთლიანობაში, ორი დღის განმავლობაში ცნობილი გახდა, რომ ეროვნულ გამოცდებზე რეგისტრირებულ 50-მდე აბიტურიენტს დაუდგინდა კორონავირუსული ინფექცია.
აბიტურიენტებისთვის, რომლებსაც კორონავირუსი დაუდასტურდათ, დამატებითი საგამოცდო სესია დაინიშნება.
შეგახსენებთ,1-ელ ივლისს, ერთიანი ეროვნული გამოცდები ქართული ენისა და ლიტერატურის გამოცდით დაიწყო.
