ისრაელში, გასული 24 საათის განმავლობაში, კორონავირუსის 169 ახალი შემთხვევა გამოვლინდა, რაც ყველაზე მაღალი დღიური მაჩვენებელია ქვეყნისთვის ბოლო თვეების განმავლობაში.

კორონავირუსით ინფიცირების შემთხვევების ზრდის გამო, ორშაბათიდან დახურულ სივრცეებში პირბადის გამოყენება კვლავ სავალდებულო ხდება.

ისრაელის ჯანდაცვის სამინისტრო მოქალაქეებს ურჩევს, თუ გადაუდებელი აუცილებლობა არ მოითხოვს, საზღვარგარეთ მოგზაურობისგან თავი შეიკავონ.

შეგახსენებთ, რამდენიმე დღის წინ, ქვეყნის ჯანდაცვის უწყებამ 12-15 წლის ასაკის პირებში ვაქცინაციის რეკომენდაცია გასცა.