კონფლიქტები
15.06.2021 10:07
ინციდენტების პრევენციის ფორმატში, ერგნეთში დღეს რიგით მე-100 შეხვედრა გაიმართება
გამყოფ ხაზთან მდებარე სოფელ ერგნეთში, ინციდენტების პრევენციისა და მათზე რეაგირების მექანიზმის ფორმატში რიგით მე-100 შეხვედრა დღეს გაიმართება. ამ დროისთვის არსებული ინფორმაციით, დღევანდელ შეხვედრაზე, საქართველოს ცენტრალური ხელისუფლების წარმომადგენლები ოკუპირებულ ტერიტორიაზე უკანონო პატიმრობაში მყოფი საქართველოს მოქალაქეების უპირობოდ გათავისუფლების საკითხს და 99-ე შეხვედრიდან დღემდე, გამყოფი ხაზის პერიმეტრზე დაფიქსირებული უკანონო ე.წ. ბორდერიზაციის ფაქტებს დააყენებენ განსახილველად.
წინასწარი ინფორმაციით, ინციდენტების პრევენციის ფორმატში ერგნეთში დაგეგმილ შეხვედრაზე დასწრებას გეგმავს ეუთოს გენერალური მდივანი ჰელგა მარია შმიდტიც.
