საზოგადოება
10.06.2021 16:09
ტყვიავში სასმელი წყლის სისტემის რეაბილიტაცია იგეგმება
ტყვიავში სასმელი წყლის სისტემის რეაბილიტაცია იგეგმება. პროექტით გათვალისწინებული სამუშაოების შესყიდვის მიზნით, გორის მუნიციპალიტეტის მერიამ ტენდერი უკვე გამოაცხადა. როგორც ადგილოვრივ თვითმმართველობაში აცხადებენ, შესყიდვის სავარაუდო ღირებულება 2 480 420 ლარია.
პროექტის მიხედვით, მოეწყობა სადაწნეო კოშკი და საქლორატორო. რეაბილიტაცია ასევე ჩაუტარდება არსებულ ჭაბურღილებს, მოეწყობა შიდა ქსელი და დამონტაჟდება ინდივიდუალური მრიცხველები.
როგორც GMnwes-სთვის ცნობილია, ამჟამად, სოფელში მცხოვრებ 950 - მდე ოჯახს სასმელი წყლის ამორტიზებული სისტემა ემსახურება, რის გამოც მოსახლეობის ნაწილი, ხშირად, სასმელი წყლის მიწოდების გარეშე რჩება.
სამუშაოების დასრულების შემდეგ კი, ადგილობრივები სასმელ წყალს უწყვეტად, 24 საათიან რეჟიმში მიიღებენ.
