ინტენსიური ტესტირების ფარგლებში, ბოლო 24 საათის განმავლობაში საქართველოში კორონავირუსით ინფიცირების 821 ახალი შემთხვევა გამოვლინდა და პანდემიის გავრცელებიდან დღემდე, ინფიცირებულთა საერთო რაოდენობა 351 249-მდე გაიზარდა.

რაც შეეხება გარდაცვალების ფაქტებს, ბოლო დღე-ღამის განმავლობაში ვირუსს კიდევ 31 პაციენტი ემსხვერპლა და კოვიდ 19-ით გარდაცვლილთა რიცხვი 4 982-მდე გაიზარდა.

დღეს ქვეყანაში გამოვლენილი ინფიცირების 821 ახალი შემთხვევიდან თბილისში გამოვლენილია 439 შემთხვევა, აჭარა - 71, იმერეთი - 86, ქვემო ქართლი - 66, შიდა ქართლი - 22, გურია - 16, სამეგრელო - ზემო სვანეთი - 60, კახეთი - 31, მცხეთა-მთიანეთი - 15, სამცხე-ჯავახეთი - 8, რაჭა-ლეჩხუმი და ქვემო სვანეთი - 7.

ამ ეტაპზე ინფიცირების მიმდინარე აქტიური შემთხვევა არის 10 346, საიდანაც მძიმე პაციენტია 708 პირი.