საფრანგეთში 12-18 წლის პირების ვაქცინაცია 15 ივნისიდან დაიწყება, - ამის შესახებ საფრანგეთის პრეზიდენტმა, ემანუელ მაკრონმა განაცხადა.

როგორც საფრანგეთის პრეზიდენტმა აღნიშნა, მითითებული ასაკობრივი ჯგუფის ვაქცინაციის პირობები უახლოეს დღეებში დაზუსტდება.

 „გადაწყვეტილება მივიღეთ, 15 ივნისიდან მოზარდების ვაქცინაცია დავიწყოთ. 15 ივნისიდან 12-18 წლის ასაკის პირებს ვაქცინაციის გავლის უფლება ექნებათ“, – აღნიშნა ემანუელ მაკრონმა.

შეგახსენებთ, რომ ევროპის წამლის სააგენტომ (EMA) 12-15 წლის ბაშვებში Pfizer-ის ვაქცინის გამოყენების პროტოკოლი უკვე შეიმუშავა. დოკუმენტის მიხედვით, აღნიშნული ასაკობრივი ჯგუფისთვის ვაქცვინაციის პროტოკოლი იგივეაა, რაც სხვა ასაკობრივი ჯგუფებისთვის, რაც ვაქცინის ორი დოზის მიღებას გულისხმობს.

ევროკომისიამ 12-15 წლის ბაშვებში Pfizer-ის ვაქცინის გამოყენების გადაწყვეტილება 31 მაისს დაამტკიცა.