საზოგადოება
20.05.2021 11:34
გორის საჯარო და კერძო სკოლების 1421-მა მეთორმეტეკლასელმა სწავლა დაასრულა
გორის მუნიციპალიტეტის ტერიტორიაზე მოქმედ 67 საჯარო და 6 კერძო სკოლაში, 1421-მა მეთორმეტეკლასელმა სასწავლო პროცესი დაასრულა. სწავლის დასრულება სოციალურ ქსელ ,,ფეისბუქით" მიულოცა კურსდამთავრებულებს განათლებისა და მეცნიერების სამინისტროს გორის საგანმანათლებლო რესურსცენტრის დირექტორმა ნანა ტერმაკოზაშვილმა.
,,ყველა მეთორმეტეკლასელს გილოცავთ სკოლის დამთავრებას. გისურვებთ გააზრებული არჩევანის გაკეთებას და წარმატებებს თქვენი მიზნების ასრულებისკენ მიმავალ გზაზე!
განსაკუთრებული სიყვარული ჩემგან გორის საჯარო და კერძო სკოლების 1421 კურსდამთავრებულს", - წერს გორის საგანმანათლებლო რესურსცენტრის დირექტორი.
