ვაქცინაციის სპეციალურ პორტალზე უკვე შესაძლებელია ,,სინოფარმით" ვაქცინაციის მეორე დოზაზე რეგისტრაცია. საზოგადოების მხრიდან განსაკუთრებული აქტივობის ფონზე, პორტალზე გუშინ საღამოდან შეფერხება იყო და ვიზიტის დაჯავშნა ვერ ხერხდებოდა. დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ შეფერხება აღმოიფხვრა და ამ ეტაპზე ,,სინოფარმით" ვაქცინაციის მეორე დოზის მიღებაზე რეგისტრაცია შეუფერხებლადაა შესაძლებელი, რაც შეეხება აღნიშნული ვაქცინის პირველი დოზის მიღების მსურველებს, 12 მაისიდან რეგისტრაცია დასრულდა.

სპეციალური განმარტება გაკეთდა ვაქცინაციის სპეციალურ პორტალზეც:

• 2021 წლის 12 მაისის 20.00 საათიდან იწყება რეგისტრაცია სინოფარმის ვაქცინის მეორე დოზით ვიზიტის დასაჯავშნად.
• ვიზიტის დაჯავშნა შეგიძლიათ 25 მაისიდან 10 ივნისამდე პერიოდზე.
• 12 მაისიდან შეჩერებული იქნება რეგისტრაცია ვაქცინის პირველ დოზაზე.
• გთხოვთ, დაჯავშნოთ ვაქცინის მეორე დოზით აცრის ვიზიტი თქვენთვის სასურველ ნებისმიერ სამედიცინო დაწესებულებაში, პირველი დოზით აცრიდან 21-ე დღეს.