ქვეყანაში დღეიდან მოქმედი უქმე დღეების მიუხედავად, შსს-ს მომსახურების სააგენტოს ყველა ფილიალი ჩვეულ რეჟიმში მოემსახურება მომხმარებელს.

როგორც უწყებაში განმარტეს, სააგენტოს სერვისებით სარგებლობა მხოლოდ სააღდგომო უქმეებზე - 30 აპრილს, 1, 2 და 3 მაისს - იყო შეჩერებული, რადგანაც აღნიშნული თარიღები, სააგენტოს ყველა სტრუქტურული ერთეულში დასვენების დღეებად იყო გამოცხადებული. დღეიდან კი, მომსხურების სააგენტოს ყველა ფილიალმა მუშაობა განაახლა და მომხმარებელს ყველა სერვისის მიღება შეუძლია.