საზოგადოება
26.03.2021 10:14
კორონავირუსული ინფექციის დაფიქსირების გამო, კარალეთის მე-2 სკოლა სწავლების დისტანციურ რეჟიმზე გადავიდა
პედაგოგების ინტენსიური ტესტირებისას, კორონავირუსით ინფიცირების ფაქტი გამოვლინდა გორის მუნიციპალიტეტის სოფელ კარალეთის მე-2 საჯარო სკოლაში. მიღებული რეკომენდაციის საფუძველზე, აღნიშნული სკოლა დღეიდან სწავლების დისტანციურ რეჟიმზე გადავიდა.
,,ამ დროისთვის, გორის მუნიციპალიტეტში ორი საჯარო სკოლაა გადასული სრულად დისტანციურ რეჟიმზე - კირბალის და კარალეთის მე-2 სკოლა, აღნიშნულის გარდა, რამდენიმე სკოლაში ცალკეული კლასებია გადაყვანილი სწავლების დისტანციურ რეჟიმზე", - აღნიშნა GMnews-თან გორის საგანმანათლებლო რესურსცენტრის დირექტორმა ნანა ტერმაკოზაშვილმა.
