საზოგადოება
25.03.2021 07:58
,,ფაიზერის" ვაქცინა ამერიკის შეერთებული შტატებიდან საქართველოში გვიან ღამით ჩამოვიდა
დღეიდან, 25 მარტიდან, კორონავირუსის საწინააღმდეგო აცრები საქართველოში ორი ვაქცინით - ,,ასტრაზენეკათი" და ,,ფაიზერით" გაგრძელდება.
,,ფაიზერი" აშშ-დან საქართველოში თვითმფრინავით გვიან ღამით ჩამოვიდა.
საკოორდინაციო საბჭოს გადაწყვეტილებით, ცვლილებაა მიზნობრივ ჯგუფებთან დაკავშირებითაც და დღეიდან, სამედიცინო დაწესებულებების თანამშრომლებთან ერთად, ვაქცინაციისთვის რეგისტრაციას და რიგის დაჯავშნას 65 წელს გადაცილებული მოქალაქეებიც შეძლებენ.
აქვე გეტყვით, რომ ჯანდაცვის სამინისტროს ინფორმაციით, ჯავშნის რეგისტრაციის დროს, პირს თავად ექნება არჩევანის საშუალება ,,ასტრაზენეკასა" და ,,ფაიზერს" შორის.
