საინტერესო ამბები
06.11.2019 11:52
დედამიწაზე კლიმატური კრიზისია, 11 000 მეცნიერი სხვადასხვა ქვეყნის მთავრობას აფრთხილებს
მეცნიერები მთავრობებს დედამიწაზე კლიმატის მხრივ საგანგებო ვითარების შესახებ აფრთხილებენ.
,,კლიმატური კრიზისი აქ არის და იმაზე უფრო აჩქარებულია, ვიდრე ამას მეცნიერთა უმეტესობა მოელოდა. ის მოსალოდნელზე გაცილებით მკაცრია, უქმნის, რა საფრთხეს ბუნებრივ ეკოსისტემებს და კაცობრიობის ბედს’’ - ნათქვამია წერილში, რომელსაც 11 000 მეცნიერი აწერს ხელს.
მეცნიერთა აზრით, ეკოლოგიური მდგომარეობის გაუმჯობესების მიზნით, ძირეული ცვლილებები თუ არ მოხდა, ადამიანებს კლიმატის კრიზისის გამო, „ენით აღუწერელი ტანჯვა ელით“.
წერილი ჟურნალ ,,ბიომეცნიერებაში" გამოქვეყნდა. სპეციალისტები სახელმწიფოებს სასწრაფო ზომების გატარებისკენ მოუწოდებენ, რომელთა შორისაა სათბური აირების გამოყოფის შემცირება, წიაღისეული საწვავის მოპოვების შეზღუდვა, ტყეების გაკაფვის შეწყვეტა, ხორცპროდუქტების წარმოების შემცირება და ა.შ.
