საზოგადოება
22.03.2021 14:34
ვაქცინაციის პრიორიტეტული ჯგუფები იცვლება - პროგრამაში 65 წელს გადაცილებული პირები ჩაერთვებიან
ჯანდაცვის სამინისტრო ვაქცინაციის პროცესში ასაკობრივ ჯგუფებს ამატებს. 65 წელს ზემოთ მყოფ პირებს რეგისტრაციის გავლა 25 მარტიდან შეეძლებათ.
„ყველამ ვიცით, რომ სწორედ 65 წელს ზემოთ მყოფ პირები არიან მოწყვლადი ჯგუფები, ამიტომ, გადავწყვიტეთ, მათი ვაქცინაციის პროცესი დავაჩქაროთ. ზემოხსენებულ კატეგორიაში შემავალ პირებს რეგისტრაციის გავლა შესაბამის საიტზე შეეძლებათ. პორტალი ამ მოქალაქეებისთვის ღია 25 მარტიდან გახდება,“ - აღნიშნა ეკატერინე ტიკარაძემ.
ჯანდაცვის მინისტრის თქმით, პანდემიის დასაძლევად ვაქცინაციის პროცესი ქვეყანაში შეუფერხებლად გაგრძელდება. მას შემდეგ კი, რაც საქართველოში ფაიზერის ვაქცინა შემოვა, მოქალაქეებს ვაქცინის არჩევის საშუალება მიეცემათ.
