კონფლიქტები
19.03.2021 19:37
თეა ახვლედიანმა და მამუკა საღარეიშვილმა, დათა ვანიშვილის გარდაცვალების გამო, ოჯახს მავთულხლართებთან მიუსამძიმრეს
შერიგებისა და სამოქალაქო თანასწორობის საკითხებში სახელმწიფო მინისტრი თეა ახვლედიანი და სახელმწიფო რწმუნებული შიდა ქართლში მამუკა საღარეიშვილი საოკუპაციო ხაზთან იმყოფებოდნენ. ახვლედიანმა და საღარეიშვილმა დათა ვანიშვილის ოჯახს მავთულხლართებთან მიუსამძიმრეს და მათი საჭიროებებით დაინტერესდნენ და სახელმწიფოს მხრიდან სრული მხარდაჭერა და თანადგომა აღუთქვეს.
შეგახსენებთ, 2008 წლის რუსეთ-საქართველოს ომის შემდგომ დაწყებული უკანონო ე.წ. ბორდერიზაციის პროცესის მიმდინარეობისას, დავით ვანიშვილის საცხოვრებელი სახლი მავთულხლართებს მიღმა, ოკუპირებულ ტერიტორიაზე მოექცა. ვანიშვილმა უარი თქვა სახლის დატოვებაზე და მოხუც მეუღლესთან და შვილიშვილთნ ერთად, 12 წლის განმავლობაში გამყოფი ხაზის მიღმა ცხოვრობდა.
88 წლის დავით ვანიშვილი დღეს დილით გარდაიცვალა.
