რეგიონი
19.03.2021 11:50
ხაშურში იუსტიციის სახლის მშენებლობა მომავალი წლის აპრილში დასრულდება
შიდა ქართლში იუსტიციის სახლის მესამე ფილიალი შენდება. იუსტიციის სამინისტროს მიერ გავრცელებულ ინფორმაციის თანახმად, მშენებლობა 2022 წლის აპრილში დასრულდება და ხაშურის მუნიციპალიტეტის მოსახლეობა სერვისების მიღებას ერთი ფანჯრის პრინციპით, თანამედროვე გარემოშე შეძლებს.
ამასთან, ხაშურის იუსტიციის სახლში ქორწინების მსურველი წყვილებისთვის ქორწინების სახლიც განთავსდება და წყვილებს შესაძლებელი ექნებათ, ქორწინების რეგისტრაცია საზეიმო ცერემონიალის თანხლებით დაგეგმონ.
აღსანიშნავია, რომ შიდა ქართლის რეგიონში - გორსა და ქარელში - უკვე ფუნქციონირებს იუსტიციის სახლის ფილიალები, კასპში კი, რამდენიმე თვეში საზოგადოებრივი ცენტრი დაიწყებს ფუნქციონირებას.
