გორში, ახალგაზრდა მამაკაცმა ტაქსის მძღოლი დაჭრა. 56 წლის დაშავებულ მამაკაცს ბასრი საგნით მიყენებული გამჭოლი ჭრილობა კისრის არეში აღენიშნება. დაშავებულს კლინიკა „გორმედში" გადაუდებელი ქირურგიული ოპერაცია ჩაუტარდა.

„გორმედის" მორიგე  ქირურგის, დავით გასიტაშვილის ინფორმაციით, პაციენტის ჯანმრთელობის მდგომარეობა სტაბილურად მძიმეა.

ერთ-ერთი ვერსიით, მომხდარი ფაქტი პირად კონფლიქტს უკავშირდება.

გამოძიება სსკ-ის 118-ე მუხლის 1-ლი ნაწილით მიმდინარეობს.