ბოლო 24 საათის განმავლობაში, ინტენსიური ტესტირების ფარგლებში, ანტიგენის ტესტით და PCR ტესტით ჩატარებული კვლევის შედეგად, შიდა ქართლში ვირუსით ინფიცირების 69 ახალი შემთხვევა გამოვლინდა.

მთლიანობაში კი, ქვეყნის მასშტაბით, ბოლო დღე-ღამეში 740 შემთხვევა დადასტურდა, საიდანაც თბილისში გამოვლენილია 328 შემთხვევა, იმერეთში - 138, მესამე ადგილზე კი შიდა ქართლია, სადაც 69 ახალი შემთხვევა გამოვლინდა.

კოვიდ 19-ის შემთხვევათა ყველაზე დაბალი მაჩვენებელი კვლავ რაჭა-ლეჩხუმსა და ქვემო სვანეთში ფიქსირდება.

ამ ეტაპზე ინფიცირების მიმდინარე აქტიური შემთხვევა არის 3 831, საიდანაც მძიმე პაციენტია 395, მათგან მართვით სუნთქვაზე იმყოფება 103 პაციენტი.

ბოლო 24 საათში, საქართველოში ვირუსისგან გამოჯანმრთელდა 496 პირი და  გამოჯანმრთელებულთა რაოდენობა 259 228-მდე გაიზარდა.

კორონავირუსით კიდევ 14 ადამიანი გარდაიცვალა. პანდემიის გავრცელებიდან დღემდე ვირუსს 3 377 პირი ემსხვერპლა.