საგზაო ინფრასტრუქტურის რეაბილიტაციის მიზნით, გორის მუნიციპალიტეტის ტერიტორიაზე, როგორც ქალაქში, ასევე სოფლებშიც, მიმდინარე წელს არაერთი პროექტის განხორციელება იგეგმება, ამ ეტაპზე კი, გორის მუნიციპალიტეტის მერიამ 5 ტენდერი უკვე გამოაცხადა. აღნიშნული პროექტების სავარაუდო ჯამური ღირებულება 3 429 700 ლარია, სარეაბილიტაციო მონაკვეთების მთლიანი სიგრძე კი  6 215 მეტრს შეადგენს.

მერიის მიერ გამოცხადებული ტენდერების მიხედვით, შემდეგი ინფრასტრუქტურული პროექტების განხორციელება იგეგმება:

გოგებაშვილის ქუჩის რეაბილიტაცია (მონაკვეთი კახნიაშვილის ქუჩიდან პუშკინის ქუჩამდე) - 530 მეტრი, პროექტის სავარაუდო ღირებულებაა 995 350 ლარი;

კვარხეთისა და ზერტის დამაკავშირებელი გზის რეაბილიტაცია - 3 347 მ. 1 025 240 ლარი;

ქორდში (ე.წ. „ხაჩიურიების უბანში“) ეკლესიამდე მისასვლელი გზის რეაბილიტაცია - 1 644 მ. 690 260 ლარი;

კარბში მემორიალთან მისასვლელი გზის რეაბილიტაცია - 324 მ. 314 000 ლარი;

ფარნავაზის ქუჩის რეაბილიტაცია - 370 მეტრი, 404 850 ლარი;

გორის მუნიციპალიტეტის მერიის ინფორმაციით, გასულ წელს მუნიციპალიტეტში 26,6 კილომეტრი გზა რეაბილიტირდა და აღნიშნული სამუშაოებისთვის 15 058 509 ლარი დაიხარჯა.